Rubén Lorenzo traslada á veciñanza de Artes o seu compromiso coas parroquias.
O Partido Popular de Carballo comezou a súa actividade neste comezo de ano achegándose á parroquia de Artes na que Rubén Lorenzo, xa como candidato oficial para as eleccións municipais do vindeiro mes de maio, escoitou as demandas da veciñanza da parroquia.
No Centro Social, un numeroso grupo de veciños e veciñas, trasladaron aos concelleiros Lorenzo e Beatriz Neira o seu sentimento de desamparo e abandono por un goberno local que non afronta as demandas e problemas que, recurrentemente, lle trasladan nos consellos parroquiais.
Lorenzo comprometeuse a traballar para que as desigualdades entre as parroquias e a zona urbana sexan as menos posibles e que a comunicación entre goberno municipal e parroquias sexa máis fluida e efectiva.
